Оқушылар бойында тәуелсіздік пен отаншылдық құндылықтарын қалыптастыру

Қазан айында білім беру ұйымында өскелең ұрпақтың азаматтық ұстанымын нығайту, ел тәуелсіздігін құрметтеу және ұлттық сана-сезімін қалыптастыру мақсатында кешенді тәрбиелік іс-шаралар жүзеге асырылды. Жоспарға сәйкес ұйымдастырылған жұмыстарға тәрбиелік сағаттар, мазмұнды кездесулер және түсіндіру сипатындағы шаралар енгізілді.

Өткізілген іс-шаралар нәтижесінде білім алушылардың тарихи санасы тереңдеп, мемлекеттік құндылықтарға деген құрметі артты. Тәрбиелік жұмыстар оқушылардың тұлғалық қасиеттерін дамытуға және отансүйгіштік бағыттағы көзқарастарын қалыптастыруға ықпал етті.

02.10.2025 күні «Ұлылықтың жолында ұстаз тұрар» атты Мұғалімдер күніне арналған мерекелік концерт өткізілді.
03.10.2025 күні «Дублер күні» ұйымдастырылып, жоғары сынып оқушылары ұстаздардың рөлін өздері орындап көрді.
13.10.2025 күні «Өзін-өзі басқару ұйымы президентінің» сайлауы өтті. Сайлау нәтижесінде 44% көрсеткішпен Қалабайқызы Айяра мектеп президенті болып сайланды.