2026 жылғы 2 сәуір күні 9-сынып оқушылары кәсіби бағдар беру мақсатында «Алматы технологиялық колледжі» және «Almaty Polytechnic College» оқу орындарына барып қайтты.

Іс-шара барысында оқушылар колледждердің оқу үдерісімен, мамандықтар тізімімен, зертханалық кабинеттерімен және студенттердің тәжірибелік жұмыстарымен танысты. Сонымен қатар, қабылдау талаптары, оқу мерзімі және болашақ мамандықтар бойынша толық ақпарат берілді.

Бұл экскурсия оқушылардың болашақ мамандық таңдауға деген қызығушылығын арттырып, кәсіби бағдарын айқындауға ықпал етті.